OXUS UNIVERSITY - Toshkentda

Iqtisodiyot va Biznes yo‘nalishi o‘zgarayotgan dunyoga yangi model taqdim qiluvchi kelajak iqtisodchilari va biznes dunyosida yuz berayotgan inqiloblarda yetakchilik qiladigan kadrlarni tayyorlaydi. Keng qamrovli o‘quv dasturi talabalarga tez o‘zgarayotgan global iqtisodiyotda muvaffaqiyat qozonish uchun zarur bo‘lgan bilim va ko‘nikmalar taqdim etadi. Ushbu yo‘nalish talabalari iqtisodiyot va biznes orqali jamiyatda katta o‘zgarishlar qila olishlari uchun zarur bo‘lgan nazariy tushunchalar va amaliy ko‘nikmalarni egallashadi.

Moliya va Buxgalteriya hisobi yo‘nalishining o‘quv dasturi talabalarda moliyaviy tamoyillar va buxgalteriya hisobi amaliyotlari bo‘yicha muhim bilim va ko‘nikmalarni shakllantirishni ko‘zlagan. Ushbu keng qamrovli o‘quv dasturi talabalarni moliya va buxgalteriya sohalaridagi zamonaviy kasblarga tayyorlash uchun nazariy va amaliy bilimlar taqdim etadi. Quyida ushbu yo‘nalishdagi talabalar egallaydigan ba‘zi ta‘lim natijalari keltirilgan:

Investitsiya Tahlili va Moliyaviy Rejalashtirish
Buxgalteriya Hisobi va Auditing
Moliyaviy Risklarni Baholash
Moliyaviy Modellashtirish Asoslari

Raqamli Marketing va Menejment yo‘nalishi talabalarga tez rivojlanayotgan raqamli landshaftda muvaffaqiyatga erishish uchun zarur bo‘lgan ko'nikma va bilimlar bilan ta‘minlovchi innovatsion o‘quv dasturni taklif etadi. Ushbu yo‘nalishning keng qamrovli o‘quv dasturi raqamli marketing strategiyalarini boshqaruv tamoyillari bilan birlashtirib, talabalarga biznesning o‘sishi va muvaffaqiyatiga erishishi uchun texnologiyadan samarali foydalanish bo‘yicha kerakli tushunchalarni taqdim qiladi.

Ingliz tili va Adabiyoti yo‘nalishida biz talabalarni ta‘limning turli sohalarida ijobiy o‘zgarishlar qila olishlari uchun kuchli bilim, ko‘nikma va yuqori ishtiyoq ulashadigan ta‘lim muhitini taqdim etamiz. O‘quv dasturi doirasida erishilishi lozim bo‘lgan o‘quv natijalari talabalarda ta‘lim nazariyasi, amaliyoti va psixologik tamoyillar bo‘yicha mustahkam poydevor hosil qilishdan iborat. O‘quv dasturi uchun asos bo‘lgan fanlararo yondashuv talabalarga o‘quvchilarning o‘rganishi va rivojlanishidagi murakkabliklar, shuningdek, ta‘lim muassasalarida qo‘llanilishi lozim bo‘lgan samarali o‘rganish usullarini tushunishga imkon beradi.

Yaponshunoslik - bu Yaponiyaning tili, madaniyati, tarixi, jamiyati va zamonaviy muammolarini o‘rganadigan fanlararo ta'lim sohasidir. Ushbu yo‘nalishda talabalar Yaponiyaning o‘ziga xos an‘analari, uning global dunyoga ta‘siri va bugungi jamiyati haqida chuqur bilim olishadi. Yapon tili, adabiyoti, san‘ati, tarixi, siyosati, iqtisodi va ijtimoiy dinamikasini o‘rganish orqali talabalar Yaponiyaning shakllanishidagi madaniy o‘ziga xosliklar, global istiqbollar va madaniyatlararo aloqalar haqida tushunchaga ega bo‘lishadi. Yaponshunoslik talabalarni Yaponiya bilan ilmiy, biznes, xalqaro aloqalar, turizm yoki madaniy almashinuv dasturlari kabi turli sohalarda hamkorlik qilishga tayyorlaydi.

Ushbu yo‘nalish davomida talabalar biznes huquqining turli sohalari, jumladan, shartnoma huquqi, tijorat huquqi, intellektual mulk huquqi, mehnat huquqi va xalqaro biznes huquqi bo‘yicha chuqur tushunchaga ega bo‘lishadi. Ular huquqiy tahlil, tadqiqot va tahliliy yozish kabi muhim huquqiy ko‘nikmalarni, shuningdek, tanqidiy fikrlash va muammolarni hal qilish qobiliyatlarini rivojlantirishadi. O‘quv dasturi talabalarga kompaniyalar duch keladigan huquqiy muammolarni tahlil qilish va hal qilish imkonini beradigan amaliy tadqiqotlar va keyslar bilan biznes huquqining real dunyoda qo‘llanilishiga katta e‘tibor qaratadi. Talabalar, shuningdek, biznes huquqining amaliy jihatlari haqida muhim tushunchalarni egallab, amaliyot bilan shug‘ullanadigan yurist va tadbirkorlarning ma‘ruzalari orqali soha mutaxassislari bilan muloqot qilish imkoniyatiga ega bo‘lishadi.

Ommaviy siyosat yo‘nalishi talabalarni davlat siyosatining murakkab muammolarini tushunish va yechim berish uchun zarur bo‘lgan bilim, ko‘nikma va tahliliy usullarni o‘rgatadigan keng qamrovli dasturini taklif etadi. Ushbu o‘quv dastur talabalarni davlat xizmati, davlat idoralari, notijorat va xalqaro tashkilotlar, shuningdek konsalting firmalari va ilmiy-tadqiqot muassasalarida turli kasblarga tayyorlashga qaratilgan.

Kompyuter bilimlari yo‘nalishida keng qamrovli o‘quv dasturi ishlab chiqilgan bo‘lib, talabalarda ushbu sohaga oid bilimlar bo‘yicha kuchli poydevor shakllantirish va eng muhim amaliy ko‘nikmalarni hosil qilishga e‘tibor qaratilgan. Talabalar o‘qishning har bir bosqichda amaliy loyihalar bilan ishlashadi va real muammolarga yechim izlash bilan shug‘ullanishadi.

Amaliy kimyo yo‘nalishida nazariy va amaliy bilimlar hamda ko‘nikmalar uyg‘unligi asosida yangicha usulda ta‘lim berish tizimi ishlab chiqilgan. O‘quv dasturining dastlabki bosqichida talabalarda organik, anorganik, fizik va tahliliy kimyo bo‘yicha chuqur ilmiy va nazariy poydevor shakllantiriladi. Har bir o‘quv yilida chuqur ilmiy bilimlarni o‘zlashtirish bilan birga amaliy laboratoriya loyihalarida ishlash jarayonlari o‘zaro muvozanat asosida olib boriladi.
Oxirgi bosqich talabalari sanoat ishlab chiqarishi yo‘nalishidagi kompaniyalarda amaliyot o‘tash orqali real loyihalarda ishlab, ishga joylashish uchun tayyor mutaxassis bo‘lishga yo‘nalitiriladi.

Ushbu yo‘nalish o‘quv dasturining birinchi bosqichida talabalarning aniq fanlardan bilimlarini mustahkamlash va chuqur ilmiy poydevor yaratishiga e‘tibor qaratiladi. Fizika, matematika va boshqa aniq fanlardan mustahkam asosni qurib olgach, o‘quv dasturi amaliy loyihalar va ishlanmalar ustida ishlashga jiddiy e‘tibor qaratadi.
Keyingi barcha o‘quv bosqichlarida talabalar xususiy kompaniyalar bilan hamkorlikda bevosita real amaliy loyihalarda ishlab innovatsion faoliyat bilan shug‘ullanishadi. Shuningdek, talabalar mutaxassislik doirasida muhim yo‘nalishlar, mexanik tizimlar va dizayn, materialshunoslik va muhandislik, kompyuter yordamidagi dizayn va simulatsiya modellari, yuqori darajadagi ishlab chiqarish texnologiyalari kabi yo‘nalishlarni ham chuqur o‘rganishadi.