International Digital University

International Digital University'da siz nafaqat zamonaviy kasblarni egallashingiz, balki yangi mahorat qirralaringizni ochishingiz, qiyinchiliklardan qo‘rqmaslik va maqsadlarga albatta erishishni o‘rganishingiz mumkin. Universitet o‘z talabalariga 600.000 AQSh dollar miqdoridagi fonddan, o‘qish uchun grant yutib olish va 1.000.000 AQSh dollarilik jamg‘arma mablag‘lari hisobidan o‘z startaplarini moliyalashtirish imkoniyatini taqdim etadi. Bu yoshlarga qudratli biznesni yo‘lga qo‘yish, ijodiy fikrlash va o‘ziga bo‘lgan ishonchni oshirish imkonini beradi.

IDU qanday yo‘nalishlarni taklif qiladi:

1) Sun’iy intellekt va robototexnika;

2) Data Science;

3) O‘yinlarni ishlab chiqish;

4) Kiberxavfsizlik.

Muhim tomoni shundaki, o‘qish narxi – kirish imtihonlari natijalariga bog‘liq. Qabul qilinish uchun matematika va ingliz tili (IELTS) testidan o‘tishingiz kerak. Umumiy 500 nafar talaba o‘qishga qabul qilinib, ulardan 100 nafarigacha grant asosida o‘qish va 200 nafarigacha foizsiz kredit olish imkoniyatiga ega bo‘ladi. Shuningdek, IDU, kirish imtihonlarida yetarli ball to‘play olmagan talabalar uchun maxsus Intensive qo‘shimcha o‘qitish tizimini joriy etmoqda.