Adju universiteti

Ushbu soha keng doiradagi chuqur oʻzlashtirilgan bilimlarni talab qiladi. Toʻrt yilga moʻljallangan xalqaro ta’lim standartlariga asoslangan arxitektura ta’lim yoʻnalishi me’moriy dizayn, qurilish tuzilmasi, bunyodkorlik, mexanika va elektron tizim kabi oʻquv dasturlarni oʻz ichiga oladi.

Qurilish muhandisligi inson uchun qulay va maqbul muhitni barpo etuvchi soha. Bu tabiiy resurslardan samarali foydalanish va boshqarishga qaratilgan intizomdir. Asosan bitiruvchi talabalar, yirik qurilish yoki bunyodkorlik kompaniyalarida ishlashadi. Ular davlat miqyosidagi qurilish loyihalarda yoki nodavlat qurilish sektorida ham faoliyat yuritadi.

Elektrotexnika va kompyuter muhandisligi ta’lim yoʻnalishi insoniyat manfaatiga xizmat qiluvchi yangi imkoniyatlarni yaratadi. Jamiyat farovonligiga hissa qoʻshadigan chuqur kasbiy bilim va mahoratni egallagan muhandis va boshqaruvchilarni shakllantiradi. Ushbu maqsadga erishish uchun biz talabalarga elektron qurilma va materiallar, multimedia tarmoq va aloqalar, mikrotoʻlqinli radio aloqalar, kompyuter va avtomatik boshqaruv tizimlari kabi oʻquv fanlaridan ta’lim beramiz.

IT Business fakulteti axborot texnologiyalari va biznes boshqaruvining nazariy va amaliy tomonlarini oʼz ichiga olgan mukammal oʼquv dasturini taqdim etadi.

Mazkur dastur anʼanaviy biznes boshqaruvining asoslari - moliya, buxgalteriya hisobi, inson resurslari va ishlab chiqarishni tashkil etish fanlarini raqamlashtirish bilan uygʼunlashtirilgan holda oʼqitiladi.

Bizning o’quv dasturimiz ingliz tilshunosligi va boshqaruv qobiliyatini uyg’unlashtirilgan holda o’qitishni taklif etadi. Biz ingliz tilshunosligi, adabiyoti, talaffuzi va yozuv ko’nikmalarini kashf etishingizda sizga ko’maklashamiz va sizni ingliz tili o'qituvchisi yoki til xizmatlari bo'yicha mutaxassislikka tayyorlaymiz. Shu bilan birga, biz sizga menejment va biznes aloqalarini chuqur o’rganishga urg’u beramiz va biznesda rahbarlik lavozimlariga eshiklarni ochib o'z ta'lim muassasangizni yuritish imkoniyatini beramiz.

Bugungi kunda, Koreya kompaniyalarining dunyo miqyosida faollashuvi hamda koreys tilining keng tarqalishi natijasida koreys tilini chuqur oʼzlashtirgan va oʼzi yashayotgan hududning tarixi va madaniyatini yaxshi biladigan kadrlarga talab ortib bormoqda. Koreys filologiyasi va menejmenti kafedrasi nazariy, amaliy va kasbiy koʼnikmalarini oʼz ichiga olgan, uygʼunlashgan oʼquv dasturi asosida koreys tili, tarjimonlik va menejment sohasini puxta egallagan yuqori salohiyatli kadrlar shakllantiradi.

interyer dizayn - bu insonlar haqidagi tushunchaga asoslangan tarix va jamiyatni tushunishga asoslangan odamlar va atrof-muhit uchun makon haqida qayg'uradigan fan.

Bundan tashqari, interyer dizayn insonni o'rab turgan moddiy va ruhiy muhitni ko'rib chiqadigan, bizning ichki makonimizga tarixiy va madaniy kontekst orqali qaraydigan va ilg'or texnologiyalar, qurilish materiallaridagi yangi muammolarni ko'rib chiqadigan integratsiyalashgan va kelajakka yo'naltirilgan fikrlashdir.