EMU UNIVERSITY - Toshkentda

Stomatologiya fakulьtetining oʼquv jarayoni ustoz-shogird tizimiga asoslangan holda olib boriladi. Natijada talabalarning amaliyot shakli shifokorning kasbiy faoliyatiga oʼxshash shaklda modellashtiriladi. Oʼqishning birinchi kunidanoq talabalar amaliy koʼnikmalarni bosqichma-bosqich oʼzlashtirishni boshlaydilar, poytaxtimizning eng zamonaviy jihozlangan klinikalarida yetakchi mutaxassislar rahbarligida stomatolog ishi bilan tanishib boradilar, shuningdek, ustozlar kuzatuvi ostida bemorlarni mustaqil qabul qilishni oʼrganadilar

Ushbu yoʼnalish oʼquv jarayonida amaliyot asosiy oʼrinni egallaydi. Talabalarimiz amaliyotni farmatsevtika kafedrasi bazasida, EMU va hamkor dorixona tarmoqlarida, farmatsevtik firmalar va korxonalarda, nazorat laboratoriyalarida yetakchi mutaxassislar nazorati ostida olib borishadi.
Taʼlim turi – kunduzgi, taʼlim davomiyligi 5 yil.

Bizning Universitetimizda faoliyat yurituvchi kuchli ilmiy salohiyat va boy tajribaga ega boʼlgan yetakchi oʼqituvchilar bergan bilim talabalarimizga dunyodagi eng nufuzli universitet talabalari bilan bilim, malaka va koʼnikma borasida raqobatlashishga ishkoniyat beradi. Talabalarimizning zamonaviy jihozlangan oʼquv xonalari va laboratoriyalarda tahsil olishlari, shuningdek, yetakchi xususiy klinikalar, davlat shifoxonalari va tibbiyot markazlarida amaliyot oʼtashlari ularga zamon bilan hamnafas boʼlgan, bugungi va kelajak tibbiyoti talablariga javob bera oladigan mutaxassis boʼlishlariga zamin yaratadi.

Oliy taʼlim dasturi asosida oʼqitiladigan “Pediatriya” shunisi bilan farq qiladiki, talabalar tibbiyotning umumiy masalalari, inson organizmida sodir boʼladigan anatomik va fiziologik jarayonlarga bogʼliq holda diagnostika va davolash usullari borasida bilimga ega boʼlish bilan bir qatorda, fiziologik va patologik jarayonlarning borishi, kasallikning namoyon boʼlishi, bolalarning yosh, jins xususiyatlariga qarab davolash taktikasini ham oʼrganadilar. Sogʼlom bola profilaktikasi va tarbiyasiga alohida eʼtibor qaratiladi.

Hamshiralar har bir tibbiyot muassasasida muhim oʼrin tutuvchi xodimlardan hisoblanishadi. Bemorlarga xizmat koʼrsatishning tashkil etilishi va shifokorlar ishining samaradorligi aynan ularga bogʼliq. Hamshiralarga ishonib topshirish mumkin boʼlgan topshiriqlar roʼyxatini cheksiz deyish mumkin. Shuning uchun ham zamonaviy sogʼliqni saqlash tizimida hamshiralar aniq bir vazifani bajaruvchi hamshira uchun belgilangan maqsad, vazifa va majburiyatlar tasnifi roʼyxati bilan toifalanadi.
Bu yoʼnalishdagi taʼlim kunduzgi shaklda 3 yil davom etadi.

Biotexnologiya taʼlim sohasi dasturi genetika va genetik muhandislik, hujayraviy va molekulyar biologiya, bioinformatika va kompьyuter modellashtirish, fermentatsiya va biokimyoviy jarayonlar, biotexnologik ishlab chiqarish va texnologiyalar, ekologik biotexnologiya va bioremediatsiya, biotexnologiya etikasi va qonunchiligi kabi fanlarni oʼz ichiga oladi.
Аgar siz ushbu yoʼnalishda oʼqishga qiziqsangiz, unda EMU University sizga oʼqish muddati 4 yil boʼlgan Biotexnologiya fakultetini tanlashni taklif qiladi.

Ushbu sohada oʼqishni tugatgandan soʼng, siz oʼzingizni tibbiy biolog, tibbiy genetik, biokimyogar, tibbiyot sohasidagi tadqiqotchi, farmakolog, klinik laborant sifatida ishlashingiz mumkin

Ushbu taʼlim dasturi salomatlik gigienasi va ekologiyasi, sanitariya va epidemiologiya, estetika va jismoniy madaniyat asoslari, surunkali kasalliklarni oldini olish, jamoat salomatligi va sogʼliqni saqlash, tibbiy statistika va epidemiologik tahlil kabi fanlarni oʼrganadi.
Oʼqish muddati: 6 yil.

Biologiya fakulьtetida bizning oʼquv dasturimiz bir nechta jihatlarni (botanika, zoologiya, virusologiya, immunologiya, oʼsimliklar fiziologiyasi va mikrobiologiya, odam va hayvonlar fiziologiyasi, genetika va biotexnologiya) oʼz ichiga oladi. Biologiya sohasi barcha tirik mavjudotlarni qamrab oladi va shunisi bilan odamlarni uni chuqurroq oʼrganishga jalb qiladi, chunki dunyo hali oʼrganilmagan organizmlar va ularning oʼzaro taʼsirlashuvlariga boy.

Biologiya doim dolzarb boʼlib qoladigan eng muhim fanlardan biri hisoblanadi. Va hozirgi vaqtda ushbu yoʼnalishdagi malakali kadrlarga va oʼqituvchilarga boʼlgan talab juda yuqori.

Taʼlim dasturiga quyidagi koʼplab jihatlar kiradi:
organik va noorganik kimyo, kompleks birikmalar kimyosi, farmatsevtik kimyo va dori vositalari kimyosi, kristallar kimyosi, shuningdek, talabalarga kimyoning ilmiy asoslarini tarixiy maʼlumotlar asosida oʼrgatish va ularni amaliyotda qoʼllash. Talabalarda kristallar simmetriyasi, kristall panjaralar turlari, kristallardagi kimyoviy bogʼlar tabiati haqidagi bilim va koʼnikmalarni shakllantirish.

EMU Universityda Kimyo (turlari boʼyicha) taʼlim yoʼnalishi 4 yil davom etadi. Dasturni tugatgandan soʼng, talabalar Kimyo sohasida davlat namunasidagi bakalavr diplomiga ega boʼladilar.

Kosmetologiya – bu tananing terisini va uning hosilalarini parvarish qilish bilan shugʼullanadigan tibbiyot sohalaridan biri. U inson haqida dastlabki tasavvurning yuzaga kelishida muhim ahamiyatga ega boʼlgan terining tashqi koʼrinishi hamda sogʼlomligini taʼminlovchi muolajalarni, shuningdek, turli teri kasalliklarining oldini olish va davolash jarayonini ham oʼz ichiga oladi.
Bu yoʼnalishdagi taʼlim kunduzgi shaklda 4 yil davom etadi.

Bu yoʼnalishda tibbiy texnologiyalarga texnik xizmat koʼrsatish, tibbiy asbob-uskunalarni ishlab chiqish, hamda, ishlab chiqarish va ulardan foydalanish, ularga texnik xizmat koʼrsatish, shuningdek ularni taʼmirlash tamoyillarini oʼrgatuvchi malakali mutaxassislar va professor oʼqituvchilar rahbarligida tahsil olish imkoniyatlarini taqdim etamiz.

Xalq tabobati – bu avloddan-avlodga oʼtib kelayotgan anʼanaviy davolash va sogʼliqni saqlash usullarini oʼrganadigan muhim taʼlim sohasidir. Xalq tabobati oʼquv dasturida talabalar sogʼliqni saqlash va kasalliklarni davolash uchun qoʼllanilishi mumkin boʼlgan anʼanaviy madaniy va xalq amaliyotiga asoslangan turli xil texnika va usullarni oʼrganadilar.

Ushbu yoʼnalishda oʼqish talabaga xalq tabobati tarixi va asoslari, oʼsimliklar bilan davolash, Аyurveda va Xitoy tibbiyoti, kasalliklarni tashxislash va davolashning muqobil usullari toʼgʼrisida keng maʼlumot beradi.

Veterinariya ishi – bu hayvonlarning salomatligi va tibbiy parvarishiga bagʼishlangan taʼlim sohasi. Taʼlim dasturi hayvonlar biologiyasi, hayvonlar kasalliklari, ularni tashxislash va davolash, jarrohlik, hayvonlarni oziqlantirish, kasalliklarini oldini olish va gigienani oʼrganishni oʼz ichiga oladi.
Ushbu fakultetning kasbiy imkoniyatlari – bu veterinariya shifokori, hayvonlar jarrohi, hayvonlarda kasalliklarni tashxislash boʼyicha mutaxassis, hayvonlarni oziqlantirish boʼyicha mutaxassis, veterinariya maslahatchisi, veterinariya sohasida tadqiqotchi sifatida oʼzini namoyon qilish imkoniyatidir.